घनकचरा व्यवस्थापन नियम

उपरोक्त विशेष कक्षाद्वारे पार पाडावयाचे कर्तव्यः

• नागरी क्षेत्रामध्ये घनकचरा व्यवस्थापन नियम, २०२६ ची अनिवार्य अंमलबजावणी होत असल्याची खात्री करणे.
• संबंधित कार्यकारी अभियंता, म.जी.प्रा. गोंदिया किंवा ज्या नागरी क्षेत्रात पाणीपुरवठा नगरपरिषद/ नगरपंचायती मार्फत होतो त्यांचे मुख्याधिकारी यांनी घनकचरा व्यवस्थापन नियम, २०२६ च्या अंमलबजावणी न करणाऱ्या “Bulk waste Generators” चा पाणीपुरवठा खंडित करणेची कार्यवाही करणे.
• मुख्य अभियंता, भंडारा परिमंडल, भंडारा, म.रा.वि.वि.कं.लि, भंडारा यांनी घनकचरा व्यवस्थापन नियम, २०२६ च्या अंमलबजावणी न करणाऱ्या “Bulk waste Generators” चा विद्युत पुरवठा खंडित करणेची कार्यवाही करणे.
• उप विभागीय अधिकारी, महाराष्ट्र प्रदूषण नियंत्रण मंडळ, भंडारा यांनी जिल्ह्यातील नागरी क्षेत्रात भेटी देऊन भेटीदरम्यान आढळून येणारे अधिकृत तसेच अनधिकृत dump yards/ sites यांचे छायाचित्रे घेऊन पुढील कार्यवाही तसेच अंमलबजावणी करिता जिल्हाधिकारी तसेच संबंधित स्थानिक स्वराज्य संस्था यांना पाठविणे.
• जिल्हाधिकारी यांच्या वतीने जिल्हा सह आयुक्त, नगरपरिषद प्रशासन शाखा, जिल्हाधिकारी कार्यालय भंडारा यांनी संबंधित नागरी स्थानिक स्वराज्य संस्थांनी अधिकृत केलेल्या वाहनाद्वारे घनकचऱ्याची वाहतूक व विल्हेवाट योग्य रित्या केली जात असल्याबाबतची खात्री करावी. यामुळे स्थानिक स्वराज्य संस्थांना केवळ नियमनच नाही, तर रस्त्यांच्या कडेला, रेल्वे रुळांवर, तलावांच्या काठावर, डोंगराच्या पायथ्याशी इत्यादी ठिकाणी होणारे अनधिकृत कचरा टाकण्याचे प्रकार रोखणेही शक्य होईल.

जिल्हाधिकारी यांच्या वतीने जिल्हा सह आयुक्त, नगरपरिषद प्रशासन शाखा, जिल्हाधिकारी कार्यालय भंडारा यांनी जिल्ह्यातील स्थानिक स्वराज्य संस्थांचा घनकचरा व्यवस्थापन नियमांच्या अंमलबजावणीच्या कामगिरीचा/प्रगतीचा संक्षिप्त सारांश महिन्यातून एकदा तयार करून जिल्हाधिकारी यांच्या मान्यतेने मा. नगरविकास सचिवांना सादर करावा.